Dekabr
ayının 9-da Qafqaz Universiteti mexanika mühəndisliyi laboratoriyaları
binası istifadəyə verilib. Laboratoriyalar binası “bp-Azərbaycan”
şirkəti və Qafqaz Universitetinin birgə layihəsi çərçivəsində yaradılıb.
Tədbir iştirakçıları əvvəlcə yeni labaratoriyalar binası ilə tanış
olublar. Bildirilib ki,binada ümumilikdə Mexanika mühəndisliyi
fakülətəsi tərkibində 11 labaratoriya fəaliyyət
gösətərəcək.Laboratoriyalar ən müasir avadanlıqlarla təchiz olunub.
Açılış mərasimində çıxış edən Qafqaz Universitetinin rektoru Ahmet Saniç
ölkədə təhsilə göstərilən dövlət qayğısından danışıb. Deyib ki, bu
labaratoriyalar “BP-Azərbaycan” şirkəti ilə Qafqaz Universiteti arasında
bağlanan memoranduma əsasən qurulub. Binada universitetin tələbələrinə
ölkə daxilində beynəlxalq standartlar səviyyəsində təhsil almağa şərait
yaradılıb. BP-nin Azərbaycan, Gürcüstan və Türkiyə üzrə regional
prezidenti Qordon Birrel isə deyib ki, layihə Qafqaz Universiteti ilə
uğurlu tərəfdaşlığın davamıdır. Bildirib ki, BP dünya səviyyəli yerli
mütəxəssislərin və işçi qüvvəsinin yetişdirilməsi istiqamətində ARDNŞ-in
və Təhsil Nazirliyinin göstərdiyi səylərə dəstək olmaq üçün sıx
əməkdaşlıq edir. Dövlət Neft Şirkətinin prezidenti Rövnəq Abdullayev də
çıxış edərək laboratoriyaların istifadəyə verilməsini yüksək
qiymətləndirib. Prezident İlham Əliyevin təhsilə daim xüsusi önəm
verdiyini vurğulayıb. Dövlət başçısının “Qara qızılı insan kapitalına
çevirmək” kəlamını xatırladan natiq təhsilin inkişafı üçün
reallaşdırılan tədbirlərdən danışıb. Bildirib ki,müasir tələblərə cavab
verən yüksəkixtisaslı mütəxəssislərin hazırlanmasında laboratoriyanın
əhəmiyyətli rolu olacaq. Təhsil Nazirinin müavini Ceyhun Bayramov da
bildirib ki, laboratoriyalar ölkənin inkişafı üçün çox mühüm olan bir
sahəni ixtisas seçən tələbələrin bütün lazımi bilik, vərdiş və
bacarıqları əldə etməsində faydalı bir tədris vasitəsi olacaq. Çıxış
edən digər natiqlər də qeyd ediblər ki, laboratoriyalar Azərbaycanın
iqtisadi inkişafına dəstək verəcək çox böyük bir sərmayədir. Qafqaz
Universitetində bu laboratoriyaların qurulması mexanika mühəndisliyinin
yüksək səviyyədə inkişafında böyük rol oynayacaq.
Hiç yorum yok:
Yorum Gönder