BP Xəzər Qafqaz Universitetində karyera təqdimatı keçirdi FOTOLAR

Oktyabr ayının 30-da BP Xəzər şirkəti Qafqaz Universiteti tələbələri ilə növbəti görüşü keçirmişdir. Görüşün əsas məqsədi BP Xəzərdə karyera imkanları, təcrübə proqramları və yay məktəbi mövzularında məlumatlandırma xarakteri daşıyırdı. 

Tədbir Karyera Planlama Mərkəzinin müdiri İsa Qasımovun açılış sözləri ilə başladı. Görüşdə BP Xəzərin hədəf qrupu olan müxtəlif ixtisaslardan 300-ə yaxın tələbə iştirak etmişdir. 

Keçirilən tədbirdə BP Xəzəri Məzunların İşə Qəbulu və Neft-Qaz Mütəxəssislərinin Qəbulu Proqramı üzrə Rəhbəri, Neft-qaz İxtisaslı Məzunların Təkmilləşdirilməsi Proqramı rəhbəri, İşə Qəbul və Marketin üzrə Koordinatoru, Universitətlərlə Əlaqə və Təqaüd üzrə məsləhətçisi, İşə Qəbul üzrə məsləhətçisi, İnsan Qaynaqları üzrə məsləhətçisi, və bir çox mühəndis mütəxəssislərdən ibarət 13 nəfərlik heyət təmsil edirdi. Təqdimatdan sonra BP heyəti tələbələrlə üzbəüz görüşərək tələbələrin suallarını cavablandırdılar.

http://iro.qu.edu.az/view_news.php?news=2643&lang=az

Qafqaz Universitetində Türkiyənin ODTU-nin dəstəyi ilə texnoparkın yaradılması nəzərdə tutulur.

525.az-ın məlumatına görə, bu məsələ təhsil naziri Misir Mərdanovun Qafqaz Universitetinin rektoru Əhməd Saniç və Orta Doğu Texniki Universiteti texnoparkının müdir müavini Ufuk Bulut ilə keçirilən görüşündə müzakirə olunub.

M.Mərdanov Qafqaz Universitetində texnoparkın yaradılması təşəbbüsünün təqdirəlayiq olduğunu bildirib, bu təcrübəni Azərbaycanda ali təhsilin inkişafına yeni bir töhfə kimi dəyərləndirib.
Qafqaz Universitetinin rektoru Əhməd Saniç Azərbaycan İqtisadi İnkişaf Nazirliyi ilə aparılan əməkdaşlıq çərçivəsində ilkin olaraq Sumqayıt texnoparkından istifadə olunmasının nəzərdə tutulduğunu vurğulayıb. Bununla yanaşı, rektor Orta Doğu Texniki Universiteti texnoparkının yaradılması təcrübəsindən istifadə etməklə Qafqaz Universitetində müvafiq strukturun fəaliyyətinin təşkili məsələsinin müzakirə olunduğunu söyləyib.

Orta Doğu Texniki Universiteti texnoparkının müdir müavini Ufuk Batum Türkiyədə ötən əsrin ikinci yarısından vüsət alan sənayeləşmənin texniki ali məktəblərin fəaliyyətinin istehsalata uyğun qurulması ilə nəticələndiyini bildirib. Ali təhsil müəssisələrində aparılan elmi-tədqiqatların nəticələrinin istehsalat sahələrinə tətbiqinin əhəmiyyətindən bəhs edən qonaq, peşəkar mütəxəssislərin yetişməsində bu təcrübənin əvəzsiz rol oynadığını da vurğulayıb.
Azərbaycan üçün yeni olan bu təşəbbüsün uğurlu nəticələr verəcəyinə inamını ifadə edən M.Mərdanov, bu təcrübədən gələcəkdə digər ali məktəblərin də bəhrələnəcəyinə ümidvar olduğunu bildirib. Nazir, həmçinin ali məktəblərin texnoparklarının olmasını əlavə maliyyə təminatı, elmi-tədqiqatların səmərəliliyinin artırılması və stimullaşdırılması baxımından yüksək qiymətləndirib.

S.QARAYEVA
http://www.525.az/site/?name=xeber&news_id=703