“Təşəbbüskarlıq Seminarları” layihəsi çərçivəsində “Şəxsi büdcənin effektiv idarəolunması” mövzusunda seminar olmuşdur

QUTechnoparkın həyata keçirdiyi “Təşəbbüskarlıq Seminarları” layihəsi çərçivəsində növbəti seminar olmuşdur. Qafqaz Universitetindən AzərTAc-a bildirmişlər ki, “Şəxsi büdcənin effektiv idarəolunması” mövzusunda keçirilən seminarda bu ali məktəbin Biznesin idarəolunması kafedrasının müəllimi Rüfət Hüseynov təqdimatla çıxış etmişdir. Sonra xərclərin qruplaşdırılması, büdcənin planlanması və s. üzrə müzakirələr aparılmışdır. Xatırladaq ki, “Təşəbbüskarlıq Seminarları” sahibkarlığın inkişafına dəstək layihəsidir. Layihənin həyata keçirilməsində məqsəd gənclər arasında təşəbbüskar yanaşmanı inkişaf etdirməkdir. Bu seminarlarda iştirak etmək hər kəsə açıqdır.