Azərbaycan
Gənc Alim, Aspirant və Magistrlər Cəmiyyəti Azərbaycan Respublikasının
Prezidenti yanında Gənclər Fondunun dəstəyi ilə 14-18 noyabr 2013-cü
ildə "Gənc Alimlər üçün Qış məktəbinin təşkili” layihəsi çərçivəsində
tədbir keçirildi.
Layihə
Azərbaycan Respublikası Prezidentinin 2011-ci il 7 iyul tarixli 1621
nömrəli sərəncamı ilə təsdiq edilmiş "Azərbaycan gəncliyi 2011-2015-ci
illərdə” Dövlət Proqramının 6.3.6 bəndinə uyğun olaraq gənc
tədqiqatçılar arasında rəqabət və elmi ünsiyyət mühitinin yaradılması,
elmi gəncliyin fəaliyyətinin daha səmərəli qurulması və potensialının
reallaşdırılmasına, gənclərin orijinal elmi-texniki ideyalarının, yeni
elmi innovasiyaların ortaya çıxmasına optimal şərait yaradılması
məqsədini daşıyır.
Proqram
iştirakçıları ilə Qafqaz Universiteti Texnoparkı (QUTechnopark)
rəhbərliyinin görüşü də baş tutdu. Belə ki, QUTechnopark İdarə Heyətinin
sərdi Dos. Şahin Durmaz və QUTechnopark-ın müdiri Dos. İsa Qasımov
"Univeristet-Texnopark vəhdətində gələcəyə sərmayə" mövzusunda
təqdimatla proqram iştirakçılarına seminar verdilər. Seminar zamanı
QUTechnopark-ın fəaliyyəti və perspektivləri xüsusi maraqla qarşılandı.
Çoxsaylı suallar cavablandırıldı.
Proqram
əsasında digər təlimçilər tərəfindən "Texnoparklar: dünya təcrübəsi və
Azərbaycan”, "Biznes inkubatorlar: Azərbaycanda tətbiqi imkanları”,
"İnnovasiyalı cəmiyyətə doğru”, "Müasir nanotexnologiyalar” adlı
seminarlar da təqdim edilmişdir.
Qış
Məktəbində AMEA-da çalışan və müxtəlif elm sahələri üzrə araşdırmalar
aparan gənc alimlər, doktorantlar, eyni zamanda digər elmi-tədqiqat
müəssisələrində və Universitetlərdə fəaliyyət göstərən elmi
tədqiqatçılar arasından seçilmiş iştirakçılar iştirak edirdilər.
Hiç yorum yok:
Yorum Gönder