Qafqaz Universiteti Texnoparkı (QUTECHNOPARK) Yeni Fikir Müsabiqəsi təşkil edir. QUTECHNOPARK və ona partnyor şirkətlərlə ortaq həyata keçirilən Yeni Fikir Müsabiqəsi təkcə Qafqaz Universiteti tələbələrinə deyil, Azərbaycanın bütün universitetlərinin tələbə və məzunlarına xitab edir.
525.az-ın məlumatına görə, Yeni Fikir Müsabiqəsinin keçirilməsində əsas məqsəd Azərbaycanda gənclər arasında sahibkarlığın inkişaf etdirilməsinə nail olmaqla yanaşı, texnologiya sahəsində innovativ fikirlərin ortaya çıxarılmasına töhvə verməkdir. Müsabiqədə iştirak etmək istəyən gənclər öz ideyalarını layihə şəklində hazırlayaraq, 25 mart 2013-cü il tarixinə kimi www.yenifikir.az saytına daxil olaraq online qeydiyyatdan keçməlidirlər.
Yeni Fikir Müsabiqəsinin qalibləri QUTECHNOPARK tərəfindən istər ofis şəraiti ilə, istərsə də digər amillərlə təmin edəcəkdir. Bununla belə, müsabiqənin nəticələrinə görə ilk 3 yerə sahib olan layihə müəllifləri Orta Doğu Texnik Universitetinin Texnoparkında bir ay müddətində faəliyyət göstərmək imkanı qazanacaqlar. Yeni Fikir Müsabiqəsi haqqında ətraflı məlumat almaq istəyənlər Qafqaz Universiteti Texnoparkına (QUTECHNOPARK) mürəciət etməklə bərabər, www.yenifikir.az saytından da istifadə edə bilərlər.
S.QARAYEVA
http://www.525.az/site/?name=xeber&news_id=6050
Hiç yorum yok:
Yorum Gönder